Selbuvottar

I vår eller kanskje i fjor hadde eg planar om å strikke selbuvottar etter eit oppskriftshefte svigerfar fant frå 1947. Etter litt forumsundersøking kom eg fram til at Gammalserie fra Rauma måtte vere eit av dei betre garna til selbuvottar. Eg har ikkje vore fornøgd med garnkvaliteten på nokon av dei eg før har brukt(kva no det var slags garn hugsar eg ikkje..), so eg kjøpte inn 4 nøster av dette garnet. To kvite og to svarte. Fyrst i desember vart dei brukt! Då fann eg fram mitt eige mønsterhefte frå Thuve-Stua og strikka eit par vottar til Irene i julegåve. Dei strikka eg i damestørrelse og på pinne 3. Heldigvis har Irene små hender, for dei var i alle fall ikkje passelege til meg! Garnet var nok ein god smule tynnare enn det i oppskrifta. Men du for eit deilig og varmt garn det var! Eg har absolutt tru på at dette blir gode vottar og sidan Irene sine vart strikka på berre 3 dagar fann eg ut at eg burde jo ha eit par sjølv også.

Desse strikka eg til meg sjølv. Det tok meir enn 3 dagar. Heller 3 veker tenker eg. I og med at Irene sine vart so små strikka eg i herrestørrelse til meg sjølv. Dei vart eigentleg i minste laget likevel, for eg strikka med pinne 2,5 heile vegen fordi eg i ein glup augneblink trudde at eg kom til å strikke jevnare med tynnare pinnar. Veit no ikkje heilt om det stemte, so neste prosjekt får bli til meg sjølv i herrestrørrelse med pinne 3. Då bør dei vel verte passelege.

Garnet var som sagt supert. Og det var drygt i bruk. Eg har strikka to par selbuvottar av nesten berre to nøster! Dermed har eg av dei fire eg kjøpte nok til enda eit par voksenvottar og eit par Theodorvottar.

Posar til fine jenter

Til mine herlege fadderbarn/ syskenbarn sydde eg i år toalettmapper/ posar med navn på. Desse posane er so kjekke og fungerar til alt! Lovise fekk også toalettmappe, men den kjem det bilete av seinare.













Sara sin pose er fylt med strykevatt og quilta litt, Anna Lisa sin har vlieselin inni. Var spent på om det kom til å bli alt for stivt når eg brukte vlieselin, men trur det fungerar greit når den er brukt litt. Begge posane har ein kontrastfarge inni som gjer at det ikkje visar saumar på innsida. Genialt mønster! Det er som på dei andre posane, henta frå Timotei.





Posane fylte eg med litt toalettsaker. Såpe, krem, speil og lipgloss.

Pepperkakeformposar og andre posar

Her om dagen fekk eg eit tips frå Anna om fine pepperkakeformposar eg kunne sy. Smart! Eg fant då ei super poseoppskrift på timotei-bloggen og sydde fleire posar. Dei blei skikkelig fine! Super framgangsmåte!
Dette vart ein telyspose heime hos meg. Takk og farvel til stygge plastposar!

Her er ein pepperkakeformpose med IKEA pepperkakeformpiggsvin. Den vart eigentleg litt for liten til alle pepperkakeformene mine, men den gjer nok nytta som noko anna når eg har sydd meg ein litt større pepperkakeformpose. Piggsvinet burde vel kanskje vore brodert på, men eg berre sydde det med den alt for dårlige maskina mi. Det får duge for no.

Her er alle. To like pepperkakeformposar, telysposen og ein nøttepose med ekorn på. Den eine piggsvinposen og ekornposen har fått ny heim i Tromsø hos Tutten. :)

Ravelry

Eg er no eit lykkelig aktivt medlem på Ravelry. Etter å har vore medlem der i omtrent 2 år har eg no oppdaga at det faktisk er ein utruleg fin nettstad å tilbringe litt tid på. Der er ein million(!) andre strikkarar der inne og inspirasjon frå heile verda. Er det ein garntype du lurer på korleis er, eller om nokon andre har strikka den mariusgenseren du lurer på å strikke finner du det på ravelry. 

Då eg registrerte meg fyrste gongen visste eg ikkje heilt korleis sida skulle brukast. No når eg har brukt meir enn berre 2 min der inne har eg oppdaga eit hav av strikkeinspirasjon! Genialt!

Brukarnavnet mitt er KathrinePetrine og på sida mi kan du sjå kva prosjekt eg held på med til ei kvar tid og kva eg har planar om å strikke etter det. 

Join!

Giwe Away, Camilla Jin

Camilla Jin har denne fantastisk fine Give-Away-Juleboka som eg kryssar fingrane som bare det for å vinne. :o)

Yoghurtbrød

Desse brøda er fantastisk gode og saftige i mange dagar:

1 pk gjær
ca 1 liter vatn/melk
5 dl yoghurt naturell
1 dl olivenolje
2 revne gulrøtter
1 dl linfrø
2 dl solsikkekjerner
1 ts salt
4 dl sammal kveite, grov
ca 2 kg kveitemjøl

200 grader
Steikast på nederste rille i ca 30 min.

MMMMmmmm!

Mariusgenser

I sommar strikka eg denne mariusgenser i alpakka fra Sandnes garn. Til meg sjølv. :o) Den er heilt fantastisk deilig. God og varm, men ikkje for varm - akkurat som alpakka"ulla" skal vere.

Fargane er grå-brun, kvit og mørk lilla. Eg strikka den med pinne nr 3,5 og 4 og det gjekk eigenteg ganske so raskt. Hadde den med meg litt rundomkring på jobb og fekk strikka litt her og der. Medan eg var på ei lenger jobbreise på sørlandet trudde eg at eg skulle få den ferdig, men plutseleg klarte eg å gå heilt tom for den gråbrune tråden! Ingenting er værre enn å vere so nær målet og ikkje ha sjangs til å fullføre. På den lokale garnbutikken hadde dei sjølvsagt ikkje riktig fargeparti, so eg var nødt å vente til eg kom heim til Langevåg for å få gjort den ferdig to veker etterpå. Og sjølvsagt var det min eigen feil. Eg hadde jo strikka bolen lenger utan å ha tenkt på at det kunne få konsekvensar for garnforbruket..

Tjukkelesta med rullekant

Mamma hadde bursdag i september og fekk eit par kjempefine sokkar i gave. Dei hadde "rullekant" og eg måtte berre prøve å gjere det samme. Eg talte maskene og såg litt på korleis dei var laga, før eg so prøvde å huske det igjen eit par veker etterpå. Det gjekk nokonlunde greit. Eg har visst strikka i eit garn som var ein del tynnare, men størrelsen vart då heilt perfekt. :)

Dei er strikka i Sisu frå SandnesGarn og eg har lagt opp 60 masker. Sokk nr ein brukte eg 2-3 dagar på, sokk nr to brukte eg 2-3 veker på. Det er merkeleg korleis det alltid tar so mykje lenger tid med sokk nr to..

Tova tøfler

Mamma bestilte tova tøfler frå meg allereie tidleg i vår. Etter å ha strikka éin vart prosjektet liggande i ei evighet. No er dei endeleg ferdige og mamma kan vere varm og god på beina i vinter. (Sjølv om eg har høyrt eit lite rykte om at ho ikkje fekk ha dei i fred..)

Tøflene er strikka i Finull frå Rauma. Dei er litt meir avanserte enn dei eg har lagt ut på bloggen tidlegare. Tar jo då også litt meir tid. Då eg strikka dei andre tøflene brukte eg dobbelt Østlandsgarn e.l.(tilsammen ca 6 trådar). Her brukar eg enkel Finull(2-tråds), so dei er ganske so store før dei tovast og krympar mykje. Det tar lenger tid å strikke når det er so tynt garn, men eg syns tovinga blir veldig fin når ein gjer det på denne måten.

I og med at eg strikka ein tøffel før sommaren og ein etter klarte eg sjølvsagt å gjere ein dustete feil. Som vanlig. Då eg strikka den fyrste tenkte eg at eg skulle vere lur(...som vanlig) og strikke hælen med dobbel tråd sånn at den vart ekstra slitesterk. Det trudde eg at eg hugsa då eg begynte på tøffel nr to og strikka so HEILE sålen med dobbel tråd... Å rekke opp den sålen der for å strikke den igjen var ikkje akkurat høgt på prioriteringslista mi. So då måtte eg heller jukse inn litt tråd på heile sålen til den fyrste tøffelen i tillegg. Det vart so som so, men mamma er varm på beina og det er det viktigaste. 

Mobiletui

Eg hadde besøk av Anne Britt ein dag og ho hadde kjøpt seg eit heimelaga mobiletui. Etter litt studering og spekulering fant vi ut korleis det var laga, gjorde ei lita justering og sydde dei sjølve. Her er noken få av dei eg har laga, fleire kjem etterkvart. Dei er fylt med litt vatt, nokre har knapp oppe, nokre kneppeknapp, nokre borrelås og nokre utan noko som helst.

Strikkalue

Eg er vekke på jobb og har av fri fantasi strikka ei lue etter restegarnet fra Theodor sin genser. Trur den skal matche, og no når den er ferdig ser den egentlig passelig ut og. So får vi sjå om den ser lur ut på eller ikkje. Eg er ein smule skeptisk til det.

Published with Blogger-droid v1.6.2

Kattedesign

No er eg endeleg igang med syinga igjen etter nokre hektiske månader med flytting, oppussing, jobbing og hussalg. Skal sei det var kjekt å finne fram symaskina igjen og la spisestuebordet flyte over av stoff og vatt og diverse syutstyr i nokre dagar. :)

På ein tur gjennom Eidsgata i sommar kom eg over dette katte-stoffet. Mamma elskar kattar, so då måtte eg jo kjøpe det. På samme butikken kjøpte eg 5 m glidelås som eg kan klippe av i passe lange stykker alt etter som. Genialt! Denne mappa er ei større utgave av den oransje eg sydde for ei stund sida, oppskrifta finnast her.
Mappa er ca 28x8x7cm og har eit svart stoff på innsida. Artig å lage, so det blir definitivt fleire sånne i forskjellige størrelsar framover. Kan jo brukast både som pennal, sminkepung, toalettmappe, strikketøyoppbevaring osv.

Det vart også eit par brødkorger i "Stelton"-form. Ei stor(som mamma fekk før eg tok bilder) og ei lita.


Og til sist eit mobiletui. Dei kjem det fleire av etterkvart. Dette tenkte eg å sy ei kattehempe på, med borrelås, men det skar seg litt og eg erklærte den ferdig som den er her.

Foccaciatoast

I går baka eg foccacia og noko av det beste med det er at eg kan lage foccaciatoast dagen etter. Med pesto, salami og ost. Fersk basilikum og balsamicodressing på toppen. Og ein kopp kaffi attåt. LYKKE.

Published with Blogger-droid v1.5.8

Tjukkelesta

Den siste veka har eg tilbrakt nordpå. Nesten uansett kvar eg reiser brukar eg å ha med eit par tjukkelesta, men akkurat det tenkte eg ikkje på då eg reiste frå Nordfjord og 27 grader. Derfor heiv eg meg rundt og strikka eit par i eit alt for dyrt sokkegarn(Regia) eg fant på ein butikk i Harstad. Dama på butikken sa at eg måtte ha 3 nøster, men eg klarte meg fint med godt under to. Det blir vel 5-6 par med Theodor-sokka i tillegg tenker eg.

Published with Blogger-droid v1.5.5.2

Alpakkagenser til Theodor

Tidleg i sommar begynte eg på denne genseren til Theodor i alpakkagarn frå Sandnes. Den er fantastisk fordi det er rundstrikk og null montering! :) Egentlig skulle den strikkast i 5 fargar, men eg hadde kjøpt inn 4 til ein annen genser. So eg berre modifiserte mønsteret litt undervegs. Strikka den i str 2 år, men la på nokre cm både på armane og bolen. Får håpe den er stor nok.

Eigentleg skal halsen brettast bak og syast fast på innsida, men eg syns den var fin sånn eg. Skal prøve den på og sjå kva som blir best.

Eg er vekkreist på jobb, so bildene er tatt med det elendige desire-kameraet mitt.

Sommeroppdatering

Eg har ikkje slutta å sy, strikke, bake og blogge om nokon skulle lure på det. Eg er heller ikkje på ein eller annan lang og eksotisk sommerferie. Nope. Vi flyttar og hobbytida mi har den siste tida gått til nedpakking, maling, vasking, flytting, vasking, utpakking, osv... I tillegg klarte eg å legge igjen oppskrifta til den genseren eg nesten var ferdig med på flyet her om dagen. Argh!
Eg har no likevel eit par ferdige prosjekt som ikkje har komt seg på nett enda. Ein Mariusgenser i rundstrikk og fine farga til meg sjølv, og nokre djevelluer. Bilder kjem når eg får somla meg til å ta dei. ;)

Kveldens pusleri - ei lita mappe

Eg kom over denne sida og berre MÅTTE prøve sjølv om eg eigentleg hadde bestemt meg for å ikkje sy meir før vi flyttar. Tida bør brukast til meir fornuftige ting som pakking og nedvask, men når mannen ser på fotball bør vel eg og få kose meg litt? :)


Denne sminkemappa var eigentleg ganske so lett å sy, og det gjekk fortare enn forventa. Eg hadde dessverre berre ein glidelås igjen, og den var kort. Då vart det ei lita mappe som eigentleg ikkje egnar seg til sminke. Ikkje ein gong eg får plass til sminka mi oppi den der! Den måler ca 13x6x4 cm og eg anar ikkje kva eg skal bruke den til. Men søt er den. Og so blir det so deilig kvalitet i stoffet når det er quilta med litt vatt inni. (Og eg som trudde quilting berre var for halvgamle damer som laga merkelege dukar og stygge puter i kombinasjon av rare fargar.)

Eg må handle glidelåsar slik at eg kan sy fleire slike mapper! :o)

Heklenål-etui

I dag har svigermor bursdag og i den anledning har eg sydd eit heklenål-etui og ei nålepute i matchande stoff. Etuiet er eigentleg heilt likt strikkepinneetuia, berre litt mindre og med smalare lommer.

Inni sydde eg eit blondeband over lommestoffet.

På baksida sydde eg saman lappar av ulike stoff og quilta det saman med eit lag strykevatt.

Gratulerer med dagen svigermor! :o)

Nåleputer og sminkepung

I går sydde eg 4 nåleputer frå ei oppskrift du kan finne her. Veldig kjekke å lage og eg hadde nok laga dobbelt so mange hadde eg ikkje gått tom for vatt. Dei har fleecestoff på den eine sida og bomull på den andre.

Denne likte eg aller best og den er allereie gjeve vekk til verdas kjekkaste nabo som takk for at ho tok inn posten vår og handla garn til meg då vi var vekke. :)

I kveld har eg sydd meg ein sminkepung etter oppskrift på Timotei sin blogg. Det tok lenger tid enn eg hadde forventa, men eg vart godt nøgd med resultatet. Den er fora med vatt og eg syns det gav ei fin effekt når eg "quilta" nokre saumar før eg sydde dei saman. Største jobben var å sy fast skråbandet for hand på innsida. Kjedelig! Resten gjekk nokså greit, sjølv om eg gjerne skulle hatt glidelåsfot på symaskina mi. Kjeme nok til å sy noko liknande igjen tenker eg.

Eg berre måtte ha det Tilda-stoffet her då eg var og handla på Emma's Verden i dag. På innsida er den einsfarga kvit.

Elefant til Matilde

Ein ny liten verdensborger med navn Matilde fekk denne elefanten i fødselsgave. Oppskrifta fant eg i One Yard Wonders-boka mi og eg koste meg skikkelig mens eg sydde den. Har derfor store planar om å sy fleire, er berre ikkje komt so langt enda.

Elefanten er sydd i Tilda-stoff og fylt med vatt. Baby-bandet er frå Stoff og Stil.

Sommarglede

Eg berre elskar dette stoffet. Det gjer meg sommarglad kvar gong eg ser på det. Denne posen er dedikert til trusepose og er herved med meg på kvar tur eg tar. Eit lite stykke lykke i kofferten.



Stoffet er kjøpt på Lappestua på Moa og dei nydelege snorene på Emma's Verden i Langevåg.

Fleire buksebilder

Knappehol og ugleforsterkning på innsida.

Heile buksa med lappar på leggane og strikk nederst.

Sauepinneetui

Her er mitt siste strikkepinneetui. Til rundpinnar.

Rundpinne- og strømpepinneetui med sauestoff inni.


Eg har også laga eit mini-etui til to sett med strømpepinnar. Lite og fint å ha i veska eller i strikkeposen sin. Akkurat dette etuiet fungerar bare til bambuspinnar(e.l.), andre bare sklir ut. Skal lage ei tettare lukking neste gong.