Sommarglede

Eg berre elskar dette stoffet. Det gjer meg sommarglad kvar gong eg ser på det. Denne posen er dedikert til trusepose og er herved med meg på kvar tur eg tar. Eit lite stykke lykke i kofferten.



Stoffet er kjøpt på Lappestua på Moa og dei nydelege snorene på Emma's Verden i Langevåg.

Fleire buksebilder

Knappehol og ugleforsterkning på innsida.

Heile buksa med lappar på leggane og strikk nederst.

Sauepinneetui

Her er mitt siste strikkepinneetui. Til rundpinnar.

Rundpinne- og strømpepinneetui med sauestoff inni.


Eg har også laga eit mini-etui til to sett med strømpepinnar. Lite og fint å ha i veska eller i strikkeposen sin. Akkurat dette etuiet fungerar bare til bambuspinnar(e.l.), andre bare sklir ut. Skal lage ei tettare lukking neste gong.

Retrobukse til Theodor

Eg avanserar og har no sydd ei bukse til Theodor med både skråband og knappehol. Det vart ei ekte 70-tals bukse frå boka Børnetøj du selv kan sy 0-4 år som vart utgjeva ei god stund før eg var født. Kult!
Skråband prøvde eg sovidt å sy på fleecekjolen min også, men uten hell. Eg oppdaga at når ein faktisk gjer slik som det står i oppskrifta og klipper skråbandet diagonalt på stoffet vert det ein heil del lettare. Og med ein skråbandsbrettar lagar du skråband sjølv på 1-2-3!:)

Buksa er sydd i kordfløyel frå Stoff og Stil og er mjuk og deilig. Skråbandet er laga av eit kult uglestoff og selane har uglestoff-forsterkning på innsida. Lurer litt på om eg skal applikere på ei ugle i samme stoffet på magen. Evt ein apekatt som eg har liggande.

Å lage knappehol var eg veldig spent på, men det var lett som ingenting! Symaskina hadde jo ein lur knappeholsfot. Det var likevel litt skummelt å klippe ut sjølve holet.

Nederst på buksa hadde eg tenkt å sy på grønt ribb, men fant ut at det vart like greit med eit strikk.
På knea/leggane har eg sydd på ein lapp i samme kordfløyelstoff.

Dette vart ei herleg leikebukse, og som dokke ser er den ikkje heilt rein etter ein dag i barnehagen. :)

Elefanten Theodor leikar med har eg også laga. Det var på sløyden på barneskulen og eg har fortsatt mareritt om lærar Tone som står over meg og seier "du må pusse mer Kathrine, du må pusse mer". Ser no i ettertid at ho hadde heilt rett! ;)


Skal legge inn eit par bilder av berre buksa når den er rein og eg har kamera for handa igjen.

Knekkebrød

Eg syns mamma var litt småsær då eg var heime for ei stund sida og ho skulle bake knekkebrød. Men so snart dei var ferdige var eg totalt overbevist. Kjempegode!
Her er oppskrifta for dei som enda ikkje er på knekkebrødkjøret:

KNEKKEBRØD
7 dl kaldt vatn
1/4 terning grønnsaksbuljong
1/2 ts salt
1 1/2 dl kruskakli
1 1/2 dl sesamfrø
1 dl linfrø
2 dl soksikkekjerner
3 1/2 dl havregryn
3 dl sammal rug, grov

Bland godt og fordel på tre brett kledd med bakepapir. Smør "røra" utover til eit tynt lag som fyller heile bretta. Eg brukar å stryke den ut med slikkepott og lette bevegelsar.
Del kvart brett i 16 med ein slikkepott eller kniv. Gjerne etter dei har steikt 10 min.

Steikast med varmluft på 170 grader i 40-45 min.
Avkjøl på rist.


Min favoritt er med brunost og aprikos&fersken-syltetøy. Dei er også veldig gode med kvitost/smøreost og paprika.